Sot në Suharekë zhvillohet ndeshja e xhiros së fundit në basketboll
Sot zhvillohen dy ndeshjet e xhiros së fundit (18-të) në basketboll në Superligën e Kosovës në basketboll. Takimi i parë do të zhvillohet ndërmjet Trepçës dhe Lipjanit, ku mitrovicasit do të kërkojnë fitoren e dytë radhazi, pas asaj ndaj Feronikelit. ‘Xehetarët’ kanë tri fitore dhe 12 humbje, derisa lipjanasit kanë 15 humbje në po aq […]
Sot zhvillohen dy ndeshjet e xhiros së fundit (18-të) në basketboll në Superligën e Kosovës në basketboll.
Takimi i parë do të zhvillohet ndërmjet Trepçës dhe Lipjanit, ku mitrovicasit do të kërkojnë fitoren e dytë radhazi, pas asaj ndaj Feronikelit. ‘Xehetarët’ kanë tri fitore dhe 12 humbje, derisa lipjanasit kanë 15 humbje në po aq ndeshje të zhvilluara.
Ndërkohë prej orës 19:00 përballje shumë interesante pritet të zhvillohet ndërmjet Golden Eagle Yllit dhe Sigal Prishtinës.
Prishtinasit janë liderë me 12 fitore dhe tri humbje, kurse therandasit ndodhen në vendin e katërt me 10 fitore dhe pesë humbje. Ky takim pritet të jetë shumë interesant, duke marrë parasysh se dy skuadrat kanë treguar lojëra shumë të mira në këtë kampionat.