Itali, arrestohen dy shqiptarë dhe i’u sekuestrohet pasuria prej 4 milionë eurosh

Operacioni, i koduar “Trade Scam”, ka zgjatur mbi dy vjet dhe ka kulmuar me arrestimin e dy shtetasve shqiptarë dhe sekuestruesin e një pasurie prej 4 milionë eurosh.

Hetimet kanë zbuluar se kjo organizatë kriminale kishte krijuar një sistem kompleks për të mashtruar viktimat përmes premtimeve të investimeve me fitime të mëdha. Duke përdorur reklama të rreme dhe biseda telefonike bindëse, ata i bindnin njerëzit të investojnë para në projekte inekzistente.

Për të fshehur gjurmët e tyre, kriminelët kishin krijuar kompani fantoma dhe llogari bankare në vende të ndryshme të botës. Paratë e mashtrimeve transferoheshin në këto llogari dhe më pas konvertoheshin në kriptomonedha për të vështirësuar gjurmimin e tyre.

Falë bashkëpunimit të ngushtë me Eurojust dhe me autoritetet shqiptare, në veçanti me SPAK-un (Prokuroria Speciale Antikorrupsion), policia italiane ka arritur të çmontojë këtë organizatë kriminale. SPAK-u ka luajtur një rol vendimtar në fazën e ekzekutimit të urdhrave të arrestit në Shqipëri.