Llapi fiton dhe merr kreun e tabelës
Llapi dhe Feronikeli kanë realizuar fitore në Javën e njëzet e shtatë të Superligës.
Foto: Ilustrim
Derisa skuadra nga Podujeva ka fituar nga Liria, skuadra e drejtuar nga Shefki Kuqi ka triumfuar kundër Fushë-Kosovës.
Në “Zahir Pajaziti” Llapi ka fituar me rezultat 3-0.
Bekteshi (8′), Maliqi (17′) dhe Hyseni (66′) kanë shënuar për skuadrën podujevase.
Feronikeli ka fituar me rezultat të ngushtë.
Skuadrës nga Drenasi i ka mjaftuar goli i Cervadikut në minutën e nëntë për ta mposhtur Fushë-Kosovën.
Ndeshja tjetër mes Gjilanit dhe Dukagjinit është mbyllur baras 1-1.
Në Gjilan, vendasit kanë kaluar në epërsi me golin e Elton Cale në minutën e pesëmbëdhjetë, ndersa Dukagjini e ka barazuar rezultatin në minutën e pesëdhjetë e katërt me golin e Mërlakut.
Pas këtyre ndeshjeve, Llapi e merr kreun e tabelës me pesëdhjetë e katër pikë, një më shumë se Ballkani.
