Sergio Ramos e dëshiron kalimin e Lionel Messit në Real Madrid

Sergio Ramos e dëshiron kalimin e Lionel Messit në Real Madrid
Çlirim Gashi

12.03.2021 / Sport

Kapiteni i Real Madridit, Sergio Ramos ka pohuar se do ta dëshironte transferimin e Lionel Messit në “Santiago Bernabeu”.

“A do ta pranoja Messin në Madrid? 100 për qind”, tha kapiteni i “mbretërve” në një intervistë me Ibai.

“Do të isha i kënaqur ta kisha Messin në Madrid. Unë madje do t’i bëja vend atij në shtëpinë time nëse ishte e nevojshme”, kishte deklaruar Ramos.

E ardhmja e Lionel Messit te Barcelona është në pikëpyetje, me argjentinasin që nuk ka rinovuar ende dhe kontrata e tij skadon në verën e këtij viti.

Ardhja e presidentit të ri, Joan Laporta te Barcelona mund të përmisojë situatën e Messit dhe synimi i tij është që ta ndal yllin e futbollit në “Camp Nou”.

Për 10-shin e Barcelonës janë të interesuar Paris Saint-Germaini dhe Manchester City.

RAPORTO