Legjenda e Argjentinas, Maradona i dha edhe një ‘goditje’ tjetër Lionel Messit, për mungesën e aftësive të tij.

“Unë e dua Messin me gjithë zemër, ata duan ta bëjnë atë një lider, por ai nuk është në gjendje ta bëjë këtë, sepse ai do të jetë në botën e tij sportive dhe me familjen e tij”, tha Maradona për gazetën argjentinase ‘Ole’.

Diego Maradona po ashtu tha se Lionel Messi është shumë më ndryshe kur e bartë fanellën e Barcelona, e shumë më ndryshe kur e bartë fanellën e Kombëtarës së tij, Argjentinës.

“Ai është Messi kur luan për Barcelonën. Messi është Messi kur e vesh atë fanellë dhe është një tjetër Messi me Argjentinën. Ai është një lojtar i mirë, por ai nuk është një lider”, tha ai.

Lionel Messi pritet të rikthehet në Argjentinë në vitin 2019, ku do ta ndihmojë kombëtaren në objektivat e këtij viti.