Djelmoshat e Luciano Spallettit e arritën fitoren e dytë më radhë pasi e mposhti Veronën 3-0 në shtëpi, raporton Express.

“Zikaltrit” e nisen shumë mirë takimin dhe pas vetëm 39 sekondave kaluan në epërsi përmes Mauro Icardit.

Ivan Perisic arriti të realizojë gol të bukur në minutën e 13-të, pas një topi të gjatë nga Marcelo Brozovic, duke e çuar në 2-0 avantazhin e skuadrës vendase.

Interi e nisi edhe pjesën e dytë furishëm duke shënuar për 3-0 në minutën e 49-të, përsëri me anë të argjentinasit Mauro Icardi.

Interi tani ka 58 pikë në vendin e katërt në Serie A, dy më pak se Roma në vendin e tretë me një lojë më shumë të luajtur dhe një më shumë se Lazio në vendin e pestë, por e cila ka një lojë më shumë të zhvilluar.

Në anën tjetër, Verona mbetet e parafundit me vetëm 22 pikë. /Express/