Brenda 24 ore 45 aksidente, mbi 1700 tiketa trafiku e 26 të arrestuar

Raporti i rregullt ditor i Policisë së Kosovës ka bërë të ditur se numri i aksidenteve në trafik ka shënuar rritje.

Brenda 24 ore në Kosovë kanë ndodhur gjithsej 45 aksidente trafiku, ku fatmirësisht asnjë aksident nuk ka përfunduar me fatalitet, raporton SuharekaOnline.

Ndërsa, 18 aksidente kanë përfunduar me persona të lënduar dhe 27 të tjera me dëme materiale.

Gjithashtu, brenda 24 ore policia ka shqiptuar edhe 1,717 tiketa trafiku për të gjithë drejtuesit e automjeteve të cilët nuk i kanë respektuar rregullat në komunikacion.

Policia e Kosovës ka njoftuar se të enjten janë arrestuar 26 persona të dyshuar për vepra të ndryshme penale, ku 14 prej tyre janë dërguar në mbajtje, ndërsa 6 të tjerë në vuajtje të dënimit.