Arrestohen 3 persona në Prizren pasi vodhën 5 mijë euro në barnatore

Arrestohen 3 persona në Prizren pasi vodhën 5 mijë euro në barnatore
Çlirim Gashi

28.01.2020 / Kronika

Sot janë arrestuar tre persona të cilët kanë vjedhur pesëmijë euro në një barnatore në Prizren.

Rasti ka ndodhur në janar në një barnatore në qytetin e Prizrenit ku
persona të maskuar dhe nën kërcënimin e armës kishin arritur të grabisin një sasi të parave në vlerë rreth 5000 (pesëmijë euro).

“Andaj përkushtimi dhe profesionalizmi i policëve hetues të rajonit të Prizrenit, duke siguruar prova dhe dëshmi në lidhje më këtë ngjarje, fillimisht e kanë gjetur kasafortën e cila ishte e vjedhur dhe pas identifikimit të personave të dyshimtë të njëjtit i ka ballafaquar me provat ku edhe e kanë pranuar se e kanë kryer veprën penale të grabitjes”, thuhet në njoftim.

LEXO EDHE:  Përdorimi i telefonit gjatë ngasjes, vetëm javën e kaluar u sanksionuan 739 shoferë

Në këtë rast dhe me urdhër të prokurorit të shtetit janë ndaluar personat e dyshimtë si plaçkitës:

  1. B.G mashkull i lindur në vitin 1994
  2. L.B mashkull i lindur në vitin 1989 dhe
  3. E.K femër e lindur në vitin 1995
    Me aktvendim të prokurorit të shtetit të dyshimit janë ndaluar nëmbajtje në afat prej 48 orë.
    Me rastin po merren hetimet rajonale në Prizren të cilët ndaj të dyshuarve do të përpilojnë kallëzim penal.
RAPORTO