55 aksidente dhe afër 2 mijë tiketa trafiku të premtën

Mosrespektimi i rregullave në trafik, ngarkesa e komunikacionit, pakujdesia, mospërshtatja e shpejtësisë me kushtet e rrugës, janë vetëm disa nga faktorët që ndodhin aksidentet në trafik.

Gjatë ditës së premte në Kosovë janë regjistruar gjithsej 55 aksidente trafiku, raporton SuharekaOnline.

Sipas raportit të Policisë së Kosovës bëhet e ditur se 21 aksidente trafiku kanë përfunduar me persona të lënduar dhe 34 të tjera vetëm me dëme materiale.

Gjatë ditës së premte nuk është regjistruar asnjë aksident me fatalitet.

Poashtu, në 24 orët e fundit Policia e Kosovës ka shqiptuar edhe 1.987 tiketa trafiku për kundërvajtje të ndryshme.