Italia dëbon tre shqiptarë: Kryen vjedhjeje të rëndë në një banesë në Treviso

Të gjithë ishin pa leje qëndrimi në Itali dhe u shpallën fajtorë për një vjedhje banese të ndodhur më 7 nëntor në Vedelago.

Sipas raportit, shqiptarët kishin hyrë me forcë në një apartament duke thyer një dritare franceze, nga ku arritën të grabisin para dhe sende me vlerë 1500 euro. Megjithatë, pas një hetimi të shpejtë, autoritetet italiane mundën t’i identifikojnë dhe t’i arrestojnë disa ditë pas ngjarjes.

Karabinierët arrestuan tre shtetasit shqiptarë të cilët u dënuan nga gjykata e Trevisos me 1 vit, 11 muaj dhe 25 ditë burg. Si masë zëvendësuese, gjykata urdhëroi dëbimin e menjëhershëm nga Italia.

Më 16 janar, të tre të huajt u shoqëruan nga policët e Zyrës së Emigracionit deri në kufirin e Trevisos, ku u hipën në një fluturim për në Tiranë. Ky veprim është pjesë e një serie masash për riatdhesimin e individëve të paligjshëm që shkelin ligjin.

Rasti i fundit e çon në katër numrin e deportimeve të urdhëruara nga Komisionerja e Policisë së Trevisos brenda disa javëve të fundit. Më 10 dhjetor, një tjetër shtetas shqiptar, i arrestuar për një vjedhje të ngjashme, u riatdhesua pas përfundimit të dënimit.

Autoritetet italiane vazhdojnë të ndjekin një qasje të rreptë ndaj personave të paligjshëm që kryejnë shkelje penale, duke forcuar kontrollet dhe duke garantuar sigurinë e komuniteteve lokale.