Renditja tabelare në Superligën e Kosovës pas fitores së djeshme të KB Yllit
Dje janë zhvilluar dy ndeshje të xhiros së 13-të në Superligën e Kosovës në basketboll. Ndeshje interesante ishte ajo ndërmjet KB Golden Eagle Yllit dhe KB Pejës, ku skuadra suharekase ka shënuar fitore me 89:73 (20:14, 20:19, 16:23, 33:17). Suharekasit e nisën ndeshjen më mirë, duke fituar çerekun e parë 20:14. Lojë më e baraspeshuar […]
Dje janë zhvilluar dy ndeshje të xhiros së 13-të në Superligën e Kosovës në basketboll.
Ndeshje interesante ishte ajo ndërmjet KB Golden Eagle Yllit dhe KB Pejës, ku skuadra suharekase ka shënuar fitore me 89:73 (20:14, 20:19, 16:23, 33:17).
Suharekasit e nisën ndeshjen më mirë, duke fituar çerekun e parë 20:14. Lojë më e baraspeshuar u zhvillua në periudhën e dytë, që përfundoi 20:19, derisa skuadrat shkuan në pushim me rezultat 40:33.
Në periodën e tretë më të mirët ishin pejanët. Ata fituan këtë pjesë 16:23, derisa rezultati në semafor pas 30 minutash ishte 56:56. Kjo e bëri ndeshjen shumë interesante. Megjithatë, në periudhën e fundit, therandasit ishin shumë më të mirë 33:17, për të triumfuar në fund 89:73.
Te Golden Eagle Ylli u dalluan Cody John me 27 pikë e gjashtë asistime, Valon Bunjaku me 22 pikë, katër kërcime e pesë asistime dhe Samir Zekiqi me 16 pikë, gjashtë kërcime e katër asistime, derisa te Peja u dalluan Robert Cartwright me 26 pikë e pesë asistime dhe Brandon Walters me 16 pikë e 13 kërcime.
Po ashtu dje u zhvillua edhe ndeshja në mes Sigal Prishtinës dhe Vëllaznimit, ku prishtinasit fituan këtë përballje me rezultat 62:69 (18:17, 17:12, 17:23, 10:17).
Prandaj me këtë fitore klubi nga Suhareka, KB Golden Eagle YLLI ndodhet në pozitën e parë me 21 pikë të barabartë me KB Rahovecin, KB Ponte Prizrenin dhe KB Pejën.
Ndryshe klubi suharekas, Golden Eagle Ylli ka tetë fitore dhe pesë humbje.
Ekipet | Pikët |
Golden Eagle Ylli | 21 |
Rahoveci | 21 |
Ponte Prizreni | 21 |
Peja | 21 |
Bashkimi | 18 |
Sigal Prishtina | 17 |
Vëllaznimi | 17 |
Trepça | 14 |