Çadrak, rrokulliset me veturë një person, dërgohet në Spitalin e Prizrenit

Në rrugën Çadrak-Duhël, mbrëmë rreth orës 20:30 ka ndodhur një vetaksident, ku është lënduar një person.

Sipas informacioneve që ka SuharekaOnline bëhet e ditur se mbrëmë rreth orës 20:30 në Çadrak ka ndodhur një vetaksident, ku një person (mashkull) duke drejtuar veturën e tij në mënyrë të pakujdesshme është rrokullisur dhe ka dalë jashtë rrugës.

I aksidentuari ka pësuar lëndime trupore dhe është dërguar në spitalin e Prizrenit.