Zvicra e largon Kosovën nga lista e karantinës

Shteti Zvicëran ka vendosur që nga 28 shtatori Kosovën ta largoj nga lista e karantinës.

Ditëve të fundit në Kosovë numri i të infektuarve ka shënuar rënie të dukshme 44%, andaj Zvicra ka vendosur që Kosovën ta largoj nga lista e Karantinës, shkruan SuharekaOnline.

Në uebfaqen zyrtare të BAG (Zyra Federale e Shëndetit Publik në Zvicër) thuhet se që nga 28 shtatori 2020 Kosova dhe San Marino nuk bëjnë pjesë në listën e vendeve qytetarëve të të cilëve u kërkohet karantinë.

Kanë kaluar më shumë se dy muaj që kur Zvicra, në kuadër të masave kundër përhapjes së koronavirusit ka vendosur listën e vendeve të rrezikut, të njohur si lista e “karantinës”.

Në këtë listë zënë vend shtetet ose regjionet e shteteve të caktuara, në të cilat shkalla e infeksionit gjatë dy javëve të fundit kalon mbi 60 raste në 100 mijë banorë.