Herolind Bytyçi
19.06.2019, 14:28

[VIDEO] Suhareka do të identifikohet me Karnavalin “Golden Eagle”

Biznesmeni Shaqir Palushi, pronar i kompanisë “Frutex” nga Suhareka, ka treguar për punën bamirëse dhe organizimin e një karnavali që do ta bëjë kjo kompani.

Ai tha se me të ardhurat e kompanisë ka ndihmuar shumë familje kosovare me banesa dhe gjëra të tjera.

“Ne kemi përfunduar një prej kampanjave në Shqipëri ku kemi ndihmuar 7 familje duke iu ndarë banesa apo ndihma të tjera. Rasti i fundit ka qenë ndërtimi i muzeut për familjen Berisha në Suharekë”.

Palushi tha se nuk është e lehtë përzgjedhja e familjeve në nevojë, sepse ka shumë të tilla.

“Kemi ndarë edhe donacione në spitale dhe në vazhdimësi dhe kemi ndihmuar në rastet e personave të sëmurë. Kemi ndarë 100 bursa për studentë”.

Potenciali dhe kushtet që ofrojnë bizneset e Suharekës

Produktet gjithmonë janë prodhuar me një pasion të madh për luksin dhe rehatinë si dhe në përshtatje me prirjet më të fundit të dizajnit.

Biznesmeni nga Suhareka tregoi për një karnavel që kompania e tij e organizon në këtë qytet. Ai tha se në Prishtinë ka një numër të konsiderueshëm të organizimeve të natyrës së tillë. Dhe nëse Prizreni identifikohet me Dokufest, Palushi dëshiron që vendlindja e tij të identifikohet me këtë karnaval që do të mbahet së shpejti.

LEXO PO ASHTU:  9 vjet burg për vrasjen e Blerand Muharremaj

“Ka vite që si kompani e bëjmë një festë më kreative dhe duke e parë që në Kosovë mungojnë të tillat. Edhe sivjet do të organizojmë një karnaval sepse vitin e kaluar ka pasë një interesim të madh”.

“Në aktivitetet janë të përfshira 20 grupe, performaca e e fëmijëve dhe asambleve kombëtare nga shumë vende shqiptare. Do të vjen një artist nga Spanja dhe grupe të tjera muzikore nga Tirana dhe Prishtina”.