Munishi i FC Ballkanit: E kam skuadrën më të mirë në Superligë
Në fundjavë Ballkani e pret Feronikelin në ndeshjen e xhiros së dytë të Superligës së Kosovës. Pas barazimit kundër Dukagjinit, Ismet Munishi do të ketë punë me kampionët në fuqi të Kosovës. Megjithatë trajneri i njohur në një prononcim për Indeksonline mendon se ka përparësi në këtë ndeshje. “Kampioni ne fuqi ka super skuadër, por […]
Në fundjavë Ballkani e pret Feronikelin në ndeshjen e xhiros së dytë të Superligës së Kosovës.
Pas barazimit kundër Dukagjinit, Ismet Munishi do të ketë punë me kampionët në fuqi të Kosovës.
Megjithatë trajneri i njohur në një prononcim për Indeksonline mendon se ka përparësi në këtë ndeshje.
“Kampioni ne fuqi ka super skuadër, por ne i kemi përparësitë tona qe nuk dua t’i përmendi“, ka thënë Munishi.
Ai ka folur edhe për trajnerin e ri të Niklit që do të ketë vetëm paraqitjen e dytë me Feronikelin.
“Është e vështirë për trajnerin e Niklit, pasi që ai nuk e njeh mirë ligën dhe skuadrën tonë, i dëshirojmë suksese, por pas ndeshjes me Ballkanin“, ka shtuar trajneri për Indeksonline.
Munishi gjithashtu ka lavdëruar lojtarët e tij duke i cilësuar si më të mirët e Superligës këtë sezon.
“Lojtarët e Ballkanit, klubi i Ballkanit sivjet është në nivel tjetër. I kam lojtarët më të mirë në ligë. Kanë punuar fortë. Presim luftë të madhe, sepse do të jetë kampionat i vështirë“, ka thënë në fund Munishi.
Munishi ka bërë një revolucion të madh në skuadër duke afruar emra të mëdhenj të futbollit kosovar.