Suhareka feston sot Ditën e Çlirimit

Aktiviteti qendror u mbajt sot, nën udhëheqjen e Kryetarit të Komunës, Z. Bali Muharremaj, i cili ftoi të gjithë qytetarët të marrin pjesë në këtë ditë të shënuar.

Agjenda e planifikuar për këtë ditë historike është si më poshtë:

• 09:00 – Pritja e mysafirëve në Objektin e Komunës së Suharekës.
• 10:00 – Homazhe tek Parku i Dëshmorëve, përmendoret e heronjve, përmendroja e martirëve dhe te varri i Ukë Bytyçit në Semetisht.
• 11:00 – Homazhe tek përmendorja e gazetarëve gjermanë në Qafë të Duhles.
• 11:15 – Homazhe tek varrezat e dëshmorëve në Carralëvë.
• 12:00 – Akademia solemne në Shtëpinë e Kulturës “Ukë Bytyçi”.
• 19:20 – Takimi i veteranëve në Oborrin e Komunës së Suharekës.
• 19:45 – Defileu i veteranëve nga Komuna deri te Sheshi i Qytetit.
• 20:00 – Koncerti festiv në Sheshin e Qytetit.

Kjo ditë shërben si një kujtesë e gjallë e sakrificave të bëra për lirinë e Kosovës dhe një mundësi për të nderuar ata që dhanë jetën për të.