Brenda 3 muajve të fundit, mbi 30 vjedhje në Suharekë
Në çdo takim të sigurisë lokale që mbahet me nënkryetaren e Komunës së Suharekës, përfaqësuesve të KFOR-it dhe Policisë së Kosovës çdo herë është prezent numri i vjedhjeve, ku vetëm dy javët e fundit të muajit tetor ndodhën 4 vjedhje. Vjedhje të tilla e të shumta të cilat kanë ndodhur kohëve të fundit kanë bërë […]
Në çdo takim të sigurisë lokale që mbahet me nënkryetaren e Komunës së Suharekës, përfaqësuesve të KFOR-it dhe Policisë së Kosovës çdo herë është prezent numri i vjedhjeve, ku vetëm dy javët e fundit të muajit tetor ndodhën 4 vjedhje.
Vjedhje të tilla e të shumta të cilat kanë ndodhur kohëve të fundit kanë bërë që Policia e Kosovës të rris masat për parandalimin e këtyre veprave.
SuharekaOnline ka mbledhur statistikat e rasteve të vjedhjeve që janë raportuar gjatë periudhës Gusht-Tetor 2021 në stacionin policor në Komunën e Suharekës.
Për këtë periudhë kohore, pra brenda tre muaje në Komunën e Suharekës kanë nodhur hiç më pak se 31 raste të vjedhjes.
Në muajin gusht ishte numri më i madh i rasteve të vjedhjeve të raportuara në stacionin policor në Suharekë, ku brenda këtij muaji kishin ndodhur gjithsej 13 raste të vjedhjes.
Ndërkaq, gjatë muajit gusht ndodhën 13 vjedhje, 4 raste të tilla në dy javët e para dhe 9 të tjera në dy javët e fundit, kurse në muajin shtator ndodhën 11 vjedhje, prej tyre 7 raste në dy javët e para dhe 4 vjedhje në dy javët e fundit të këtij muaji si dhe në muajin tetor ndodhën 7 vjedhje, prej tyre 3 në dy javët e para dhe 4 në dy javët e fundit.
Muaji | Nr. i vjedhjeve në Komunën e Suharekës | Dy javët e para | Dy javët e fundit |
Gusht 2021 | 13 | 4 | 9 |
Shtator 2021 | 11 | 7 | 4 |
Tetor 2021 | 7 | 3 | 4 |
TOTAL | 31 | 14 | 17 |