Suhareka mirëpret mërgimtarët, ua liron parkingun në disa lokacione

Kryetari i Suharekës, Bali Muharremaj ka njoftuar se parkingu në oborrin e objektit të komunës, është i hapur për mërgimtarët tanë.

Kryetari i Komunës së Suharekës, Bali Muharremaj, ka nënshkruar vendimin me të cilin u lejon të gjithë mërgimtarëve hyrjen në oborrin e Komunës me automjete private që janë me tabela të huaja.

Po ashtu edhe hapësira e Tregut Javor, u lejohet për parking me përjashtim të ditës së tregut (E Marte).

Vendimin që komunarët e shohin si lehtësim për diasporën, po e mirëpresin ata që do ta shfrytëzojnë këtë hapësirë.

Postimi i plotë:

Parkingu në oborrin e objektit të Komunës së Suharekës, është i hapur për mërgimtarët tanë.

Poashtu edhe hapsira e Tregut Javor, u lejohet për parking me perjashtim të ditës së tregut (E Marte).

Kjo mundësi u krijohet për qasje sa më të lehtë, në kryerjen e shërbimeve të tyre.

Duke ju shprehur mirëseardhje, shpresojmë të kaloni pushime të mbara në atdheun tuaj.

Ne jemi në shërbimin tuaj !