Kryetarët e Bashkive Arbëreshe vizitojnë Suharekën

Kjo vizitë shënon një hap të ri drejt forcimit të lidhjeve dhe shkëmbimit të përvojave mes Kosovës dhe komuniteteve arbëreshe.

Delegacioni i përbërë nga figura të njohura të komunitetit arbëresh përfshinte:

• Ernesto Madeo, komisioner i Fondacionit Arbëresh dhe kryetar i Bashkisë San Demetrio Corone.
• Damiano Baffa, kryetar i Bashkisë San Cosmo Albanese.
• Angelo Catapano, kryetar i Bashkisë Frascineto.
• Serena Notaro, kryetare e Këshillit të Bashkisë Caraffa di Catanzaro.
• Giuseppe Rizzo, kryetar i Bashkisë Cerzeto.
• Valerio Caparelli, gazetar dhe përgjegjës i komunikimit të Fondacionit Arbëresh.

Kryetari Muharremaj theksoi rëndësinë e kësaj vizite, duke e cilësuar si një nder për komunën e Suharekës. Ai shprehu bindjen se kjo do t’i hapë rrugë bashkëpunimit të frytshëm në të ardhmen.

“Natyrisht në të ardhmen do të shohim mundësinë e bashkëpunimit, duke e theksuar edhe si domosdoshmëri e kohës. Kjo vizitë e nderon komunën tonë, dhe kjo do t’i hapë rrugë edhe shkëmbimit të përvojave mes vendeve tona,” shkroi Muharremaj në postimin e tij.