Pasi që jemi në muajin e fundit të vitit 2018, sot në fjalimin që e mbajti Presidenti Hashim Thaçi në Kuvendin e Kosovës, renditi sukseset dhe sfidat e shtetit të Kosovës të cilat ndodhen në këtë vit 2018.

Presidenti Thaçi, suksesi më i mirë dhe kryesore për të është transformimi i FSK-së në Ushtri të Kosovës, ku presidenti tha se për këtë hap duhet ti falenderojmë SHBA-të në veçanti.

Pas këtij hapi, Thaçi renditi edhe një hap ku Kosova duhet të jetë shumë e përkushtuar ky hap e ka qëllimin që të bëhet antare e NATO-s dhe BE-së.

Presidenti Thaçi tha “Kam përfaqësuar Kosovën në forume të ndryshme ndërkombëtare. Në asamblenë e OKB’së kam qenë dhe në Forumin e paqes në Paris, në samitin e Sofies, por edhe hapjen e lojërave dimërore në Kore. Në të gjitha këto forume kemi bërë të qartë se Kosova është e përkushtuar për paqe të qëndrueshme dhe për dialog”.

Thaçi po ashtu iu falenderua deputetëve që votuan demarkacionin me Malin e Zi, përpos të sukseseve të Kosovës, presidenti Thaçi përmendi edhe dështimet e Kosovës, ku e përmendi anëtarësimin në INTERPOL dhe dështimi tjetër ishte mos liberalizimi i vizave. Po ashtu Thaçi tha se iu është bërë e padrejtë sepse Kosova i ka përmbushur të gjitha kriteret për anëtarësim në INTERPOL dhe për liberalizimin e vizave.

“Kjo nuk është humbje për ne, por nuk duhet të jetë as dekurajim, por duhet të vazhdojmë mbështetjen për shtetit tonë”, tha presidenti Thaçi.

Hashim Thaçi foli edhe për dialogun mes Kosovës dhe Serbisë, presidenti tha se shteti I Kosovës zotohet se do të arrij një marrëveshje finale.

“Unë si president i vendit konfirmoj se Kosova është gati për dialog, Kosova zotohet se do të arrij marrëveshje finale që nënkupton një marrëveshje finale, njohje për Kosovën nga Serbia, anëtarësimin e Kosovës në OKB. Lidershipi dhe qytetarët e Kosovës presin me padurim bekimin e kësaj marrëveshje finale nga SHBA”, theksoi ai.