Suhareka total n’terr, komuna heshtë

Komuna e Suharekës edhe sot si ditëve të kaluara po përballet me reduktime me orë të gjata të energjisë elektrike.

Javën e kaluar reduktimet e tilla kishin zgjatur deri në 10 orë pothuajse në tërësi të qytetit me përjashtim të disa lagjeve.

Sot qyteti ynë është në terr total që nga ora 8 e mëngjesit e deri në ora 4 të mbasdites sipas paralajmërimit të KEDS-it.

Si rezultat i këtyre ndërprerjeve të vazhdueshme po e pësojnë qytetarët dhe bizneset e Suharekës.

Dje ka reaguar edhe menaxhmenti i kompanisë Frutex duke akuzuar KEDS-in për      pa përgjegjësi totale dhe të turpshme, çfarë është duke bëtë KESCO-i në raport me furnitorët.
Për shkak të reduktimeve të mëdhja të energjisë elektrike, kompania FRUTEX është duke pësuar humbje dhe dëme te jashtëzakonisht të mëdhaja.

Mirëpo një reagim të tillë është dashur ta bëjë Komuna e Suharekës varësisht faktik se KEDS është kompani private por gjithsesi sadopak reagimet e deri te protestat paqēsore janë instrumente demokratike të shprehjes së pakënaqësive të tilla.

Edhe pse Bali Muharremaj vjen nga AAK-ja, parti kjo që qeverisë me vendin, si duket ende nuk ka marrë vullnetin dhe guximin të reagojë te kryeministri dhe ta njoftojë për gjendjen në Suharekë. 

Po të kishte reaguar Bali Muharremaj apo po ta kishte njoftuar kryeministrin do ta kishim kuptuar të paktën përmes Facebook-ut pasi që është shumë aktiv sidomos në ngjarjet dhe  aktivitetet ku 80% të fotografisë ia kushton vetes.

Sidoqoftë kjo është shumë pak e rëndësishme me faktin se qytetarët janë n’terr total, ke e fundit profili i tij është privat dhe jo doemos duhet të përfaqësojë diçka zyrtare, edhe pse tek ne shumë është zyrtarizuar.

Andaj për të mos i ikur temës dhe gjendjes në terren, fakti është se qytetarët janë n’terr total duke patur parasysh edhe humbjet që ju shkaktohen bizneseve, mbi të gjitha do duhej respektuar “marrëveshja” KEDS-konsumator, por përderisa nuk kemi burime të tjera të furnizimit me energji elektrike duhet ti bartim pasojat, se po të ishte ndonjë provider i internetit shumë lehtë do bëhej zgjidhja. Me një fjalë KEDS është “MONOPOL”.

P.S.

Mbi të gjitha nuk po na pëlqen fakti që qytetarët po thojnë: n’kohë të shk*ut nuk u ndal!