Milaim Zeka: Greva e SBAShK-ut, është politike

Gazetari i njohur, Milaim Zeka, po ashtu edhe Deputeti i NISMAS-s, gjatë fjalimit të tij në seancën e sotme të Kuvendit të Kosovës, ai tha se greva e SBAShK-ut është grevë politike, prandaj ai bëri thirrje që mësimdhënësit ti rikthehen punës së tyre.

Kjo grevë e organizuar nga Sindikata e Bashkuar e Arsimit, Shkencës dhe Kulturës, sipas Milaim Zekës, tha se deputetët përmes grevës po e shpalosin interesin e tyre personal, dhe sipas tij shteti i Kosovës kurr nuk ka qenë në krizë më të madhe, raporton lajmi.net

Gjatë fjalimit të tij në Kuvendin e Kosovës ai tha se: “Disa deputetë në mënyrë lakuriq po e demonstrojnë interesin e tyre personal. Në kohën kur Kosova kurr nuk ka qenë në krizë më të madhe për shkakun e të gjithë neve sepse nuk kemi aprovuar ligje dhe nuk kemi përmush arsyetimin se pse jemi deputetë”.

Ai e mori fjalën që t’iu bëjë thirrje të gjithë puntorëve të arsimit ti kthehen punës së tyre, mos ti dëgjojnë deputetet.

“E mora fjalën për t’iu bërë thirrje të gjithë punëtorëve të arsimit të kthehen në vendin e tyrë të punës dhe mos të dëgjojnë deputetë të cilët i hudhin benzinë zjarrit dhe rrejnë publikisht për disa vota të mjera”, shtoi ai.

Po ashtu, Zeka tha se sipas ligjit të ri, pagat e mësimdhënësve janë rritur, aq sa ka mundësi Qeveria e Kosovës.

“Në situatën aktuale, secila parti do të refuzonte ta merrte pushtetin. Në emrin e nënave u bëj thirrje punëtorëve të arsimit, po bëni grevë politike dhe pa arsye sepse rrogat i keni të rritur me ligjin e pagave.