21.04.2019, 15:19

Më 26 prill Vetëvendosje në protestë!

Lëvizja Vetëvendosje ka paralajmëruar protestë paqësore më 26 prill.

Kundër kryeprokurorit Aleksandër Lumezi, pasi me këtë kryeprokuror, shteti i Kosovës nuk është Republikë, por Lepurblikë.

Kryetari i Levizjes Vetëvendosje, Albin Kurti ka thënë se korrupsioni në vendin tonë është shtuar e përhapur si asnjëherë më parë.

“Kurrë shteti i Kosovës nuk ka qenë më i kapur sesa sot. Prokuroria e shtetit nuk po i ndjek as krimet e luftës e as krimet paqes, as krimet ekonomike e as krimet politike”.

“Në vend se presidenti, kryeministri e kryeparlamentari t’i frikësohen kryeprokurorit, ky iu frikësohet atyre. Asnjëherë nuk ka pasur kaq shumë ministra kaq shumë të korruptuar”.

“Mirëpo, asnjë ministër i qeverisë nuk i frikësohet kryeprokurorit Aleksandër Lumezi, dhe, ky i druhet cilitdo, pra secilit, prej tyre”.

LEXO EDHE:  I ftuari nga Suhareka refuzon ftesën nga Gjykata Speciale

“Në Kosovën tonë të dashur nuk mund të kemi luftim të krimit të organizuar dhe të korrupsionit të institucionalizuar, nuk mund të kemi gjyqësor të drejtë e drejtësi gjyqësore, me kryeprokuror Aleksandër Lepurin”.

“Me këtë kryeprokuror, shteti i Kosovës nuk është Republikë, por Lepurblikë”, ka thënë ai.

© SuharekaOnline. Të gjitha të drejtat janë të rezervuara.