Ditë më parë Federata e Sindikatave të Shëndetësisë së Kosovës paralajmëroi grevë, kjo grevë ka për qëllim kalimin e Ligjit mbi pagat
duke u bazuar në amendamentet e FSSHK-së apo Komisionit Parlamentar për Shëndetësi dhe Mirëqenie Sociale, si dhe të fillojë menjëherë implementimi i ligjit.

Pasi Federata e Sindikatave të Shëndetësisë së Kosovës kan paralajmëruar grevë, kjo grevë filloi sot duke filluar nga ora 07:00, do të ketë grevë 24 orëshe në të gjitha institucionet shëndetësore të vendit.

FSSHK, bëri të ditur se kjo grevë organizohet duke u bazuar në vendimin e Këshillit Drejtues të datës 20 Dhjetor 2018.

Gjithashtu, Ministria e Shëndetësisë u deklarua rreth grevës së mjekëve, Ministria e Shëndetësisë (MSh) e bëri të ditur për media se janë duke e përcjellur gjendjen e grevës, ata shprehen se gjatë këtij vitit ka punuar për kërkesat e tyre.

Ministria e Shëndetësisë në këtë njoftim, thotë se për Projektligjin për pagat në sektorin publik është punuar, po ashtu Qeveria e Republikës së Kosovës e ka miratuar dhe të njejtin e ka dërguar në Kuvend.

“Me buxhetin për vitin 2019 parashihet rritja e pagave në sektorin shëndetësor”, thuhet ndër të tjera për njoftim. Po ashtu MSh përmes këtij njoftimi ka ftuar mjekët që këtë çështje ta zgjidhin përmes bashkëpunimit dhe dialogut social.