[DOKUMENT] Avokatët e Kosovës nga sot në grevë

  • 09.01.2019
[DOKUMENT] Avokatët e Kosovës nga sot në grevë

Avokatët e Kosovës që nga dita e sotme do të hynë në grevë të përgjithshme, kështu njoftoi Oda e Avokatëve të Kosovës. Sipas OAK, “bojkoti i përgjithshëm” që ka filluar sot do të vlejë për të gjitha gjykatat, prokuroritë dhe Policinë në tërë territorin e Kosovës.

Bojkoti, sipas paralajmërimit, do të vazhdojë deri në tërheqjen e urdhëresës dhe rekomandimit nga Këshilli Gjyqësor i Kosovës (KGjK). Oda e Avokatëve thekson se mosprezenca e avokatëve nuk do të ketë pasoja juridike për avokatët dhe palët, ndërsa vendimet e Këshillit Drejtues të OAK-së janë të obligueshme për avokatë.


Po ashtu, Oda e Avokatëve të Kosovës ka kërkuar që të shtyhen të gjitha seancat. Këshilli Gjyqësor i Kosovës, nëpërmjet një e-maili dërguar të gjithë kryetarëve të Gjykatave Themelore të Kosovës, si dhe kryetarit të Gjykatës së Apelit dhe të Gjykatës Supreme u ka dhënë urdhër që të aplikojnë urdhërin e kryetarit të Gjykatës Themelore të Prizrenit.

Kryetari i Gjykatës Themelore Prizren, Ymer Hoxha, me datë 8 gusht 2018, kishte lëshuar urdhër përmes të cilit nuk u lejohej hyrja e avokatëve në objektin e Gjykatës pa ftesa, por edhe palëve dhe personave të tjerë u ndalohej hyrja nëpër Gjykatë dhe zyre të gjyqtarëve, pa ftesa apo pa aprovimin dhe lejen e kryetarit të Gjykatës apo pa leje të gjyqtarit.

Oda e Avokatëve të Kosovës ka njoftuar se Këshilli Drejtues i OAK më 05.01.2019 në mënyrë unanime ka vlerësuar që urdhëresa e Gjykatës Themelore në Prizren e datës 08.08.2018 dhe rekomandimi i KGjK-së i datës 27.12.2018 paraqesin shkelje themelore të parimit të qasjes në drejtësi dhe si të tilla janë të papranueshme. Prandaj, kanë vendosur të fillojnë grevën e përgjithshme deri në heqjen e kësaj urdhërese.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë