Reshjet e mëdha të borës që kanë filluar në orët e hershme të mëngjesit kanë vështirësuar jashtëmase komunikacionin në të gjitha fshatrat e komunës sonë.

Edhe pse reshjet ishin paralajmëruar ditë më parë, bora siç duket Komunën e Suharekës e ka zë të pa përgatitur.

Qarkullimi i automjeteve nëpër fshatra është tejet i vēshtirë dhe njëkohësisht apelojmë te qytetarët të kenë kujdes dhe të bartin në automjete pajisjet e dimrit gjatë qarkullimit.

Në anën tjetër kryetari i Komunës i kontaktuar nga redaksia ka thënë se 4 kamionë tashmë gjenden në terren varësisht se komuna ka 42 fshatra. Njëkohësisht kryetari me ekipën e tij vazhdimisht është në teren ku për momentin gjendet në fshatrat Javor dhe Luzhnicë.