Dy zviceranët që bënë me duar shqiponjën dëbohen dhe u ndalohet hyrja në Serbi për 10 vite
Serbia ka dëbuar dy shtetas të Zvicrës, pasi një gjykatë ua anuloi dënimin me burgim, për shkak se ata kishin bërë me duar shqiponjën, një gjest që, sipas prokurorëve serbë, shihet si simbol për “Shqipërinë e Madhe”.
Ky simbol është referencë për shqiponjën dykrenore që gjendet në flamurin e Shqipërisë dhe po ashtu përdoret nga shqiptarët në mbarë botën, përfshirë në Kosovë, pavarësinë e së cilës Serbia refuzon ta njohë.
Autoritetet serbe e cilësojnë këtë gjest si provokim nacionalist.
Dëbimi i B.C, dhe G.V. u bë pas marrëveshjes që ata arritën me prokurorinë serbe.
“B.C. ka kryer veprën penale të nxitjes së urrejtjes kombëtare, racore dhe fetare dhe jotolerancës duke asistuar, teksa ka fotografuar G.V., i cili bëri me duar shqiponjën dykrenore”, u tha në njoftimin e autoriteteve serbe.
G.V., ishte dënuar me një vit burgim, ndërkaq B.C. me gjashtë muaj burgim. Por, pas marrëveshjes me prokurorinë, dënimet e tyre janë anuluar.
Sipas vendimit, të dy shtetasit e Zvicrës nuk do të kenë të drejtë të shkojnë në Serbi për dhjetë vjet.
Etiketat
Zvicër, dy kosovarë dënohen për mashtrim ndaj një prifti, përvetësuan mbi 300 mijë franga
Zvicër para 3 dite
15,665 franga dënim për 41 vjeçarin nga Kosova, prezantoi ID italiane false për të marrë vizën B në Bazel
Zvicër para 10 dite
52.7% e zviceranve kanë vendosur kundër projektit 5 miliardësh për zgjerimin e autostradave
Zvicër para 12 dite
Zvicra, sot votohet referendumi për zgjerimin e autostradës, shëndetësi dhe qira
Zvicër para 12 dite
