Mbi 33 mijë aplikime nga diaspora për t’u regjistruar si votues

Sipas të dhënave të fundit të Komisionit Qendror të Zgjedhjeve (KQZ), deri më 12 dhjetor, mbi 33 mijë kosovarë kanë aplikuar me sukses për t’u regjistruar si votues jashtë Kosovës.

KQZ-ja ka njoftuar se një numër i konsiderueshëm aplikimesh janë refuzuar, kryesisht për shkak të mosrespektimit të udhëzimeve të KQZ-së. Shumica e aplikimeve të refuzuara kanë pasur probleme me fotografimin e aplikuesit së bashku me dokumentin e identifikimit.

Të gjithë ata që u është refuzuar aplikimi mund të riaplikojnë duke siguruar që të përmbushin të gjitha kërkesat e KQZ-së. KQZ-ja i njofton të gjithë aplikuesit për rezultatin e aplikimit të tyre dhe u jep udhëzime të detajuara në lidhje me procedurat e mëtejshme.

Votimi i kosovarëve që jetojnë jashtë vendit është një drejtë e garantuar kushtetuese dhe një mundësi për ta shprehur opinionin e tyre politik. Duke marrë pjesë në zgjedhje, diaspora kontribuon në forcimin e demokracisë në Kosovë.