KQZ certifikon sot 11 subjekte politike për zgjedhjet e 9 shkurtit

Siç konfirmoi zëdhënësi i KQZ-së, Valmir Elezi për RTV21, në mbledhjen e sotme të Komisionit do të certifikohen 11 subjekte politike me mbi 600 kandidatë.

“Mund të konfirmoj se Komisioni Qendror i Zgjedhjeve sot fillon me certifikimin e subjekteve politike dhe kandidatëve për pjesëmarrje në Zgjedhjet për Kuvendin e Kosovës”, deklaroi Elezi. Ai shtoi se në rend të ditës së mbledhjes së sotme është certifikimi i 11 subjekteve politike që kanë paraqitur lista me mbi 600 kandidatë.

Numri total i kandidatëve për deputetë që përfaqësojnë këto 11 subjekte politike arrin në shifrën e 600. Ky numër i lartë tregon interesin e madh të forcave politike për të marrë pjesë në këto zgjedhje që do të përcaktojnë të ardhmen e vendit.