Enver Hoxhaj në zemër të mbështetësve: Takime entuziaste në Suharekë dhe Budakovë

Në Suharekë, Hoxhaj u prit me entuziazëm nga udhëheqësit e degës së PDK-së. Gjatë këtij takimi, u diskutua për strategjitë e fushatës, si dhe për sfidat dhe mundësitë që ka para e ardhmja e Kosovës. Hoxhaj theksoi rëndësinë e bashkëpunimit dhe përkushtimit të përbashkët për të çuar përpara objektivat dhe vizionin e PDK-së.

“Jam i lumtur që jam sërish në mesin tuaj, në zemër të mbështetësve tanë më të besnikë. Bashkë do të ndërtojmë një Kosovë më të mirë për të gjithë qytetarët”, u shpreh Hoxhaj.

Pas takimit në Suharekë, Hoxhaj udhëtoi për në fshatin Budakovë, ku u prit me një atmosferë të ngrohtë dhe festive nga një numër i madh i mbështetësve. Gjatë këtij takimi, Hoxhaj u shpreh i mirënjohës për përkrahjen e vazhdueshme që i kanë dhënë qytetarët e këtij fshati.

“Mbështetja juaj është frymëzimi im më i madh. Së bashku do të vazhdojmë të punojmë për një Kosovë me perspektivë dhe të zhvilluar”, u shpreh Hoxhaj.