Abdixhiku: Fushata është shndërruar në festë të ringritjes së LDK-së drejt ndryshimit të madh
Qytetarët e Klinës i dhanë një mbështetje të fortë LDK-së, duke e shndërruar fushatën në një festë të madhe të bashkimit.
Klina, qyteti i traditës dhe krenarisë kombëtare, u shndërrua në një oaz të gëzimit dhe shpresës. Mijëra qytetarë u mblodhën në një tubim elektoral të LDK-së, duke dëshmuar një entuziazëm të jashtëzakonshëm për ndryshim.
Kandidati i LDK-së për kryeministër, Lumir Abdixhiku, u emocionua nga përkrahja e madhe e qytetarëve të Klinës. “Sonte, në Klinë, ndjemë fuqinë e një populli që është ngritur në këmbë për ndryshim! Klina dëshmoi se është gati të prijë në kryengritjen e madhe të djathtë!”, shprehu Abdixhiku.
Atmosfera në tubim ishte e ngrohtë dhe festive. Qytetarët e Klinës u shprehën të lumtur për bashkimin e forcave të djathta dhe shpresuan se LDK do të sjellë ndryshimet e nevojshme në vend. Ata theksuan se janë të lodhur nga premtimet e pambajtura dhe se besojnë se LDK është partia e vetme që mund t’i realizojë ato.
“Mall i madh për këtë bashkim tonin të djathtë!”, u dëgjuan shpesh thirrje nga turma. Kjo fushatë është shndërruar tashmë në festë – festë të ringritjes së LDK-së drejt ndryshimit të madh”, u shpreh një qytetare e Klinës.
Abdixhiku theksoi se LDK nuk është këtu për të ndarë e përçarë, por për të bashkuar dhe për të ndërtuar një Kosovë të fortë, të drejtë dhe të barabartë. “9 shkurti po afrohet, ndryshimi po vjen!”, shtoi ai.