110-shi i Lëvizjes VETËVENDOSJE! Ai që sfidon peshën e votave!

Në labirintin e politikës kosovare, ku emrat dhe numrat vijnë e shkojnë si stinët, numri 110 ka arritur të ruajë një qëndrueshmëri të admirueshme. Por, a mjafton kjo për të kuptuar peshën e tij reale në politikë?

Për t’iu përgjigjur kësaj pyetjeje, duhet të kthehemi në zgjedhjet e vitit 2021, ku numri 110 i Lëvizjes VETËVENDOSJE! arriti të grumbullojë 10,350 vota. Një shifër që, në dukje, mund të mos duket mbresëlënëse. Por, po ta krahasojmë me rezultatet e kandidatëve të tjerë, shohim një tablo më komplekse.

Në zgjedhjet e vitit 2021, qytetarët e Kosovës dhanë një mesazh të qartë përmes votës së tyre, duke ndëshkuar disa figura kyçe të politikës dhe duke nxjerrë në pah fuqinë e besimit ndaj disa kandidatëve të caktuar.

P.sh. në atë garë, Abelard Tahiri, shef i grupit parlamentar të PDK-së, mori 9,341 vota. Fadil Nura, kryetar i Komunës së Skënderajt, u vlerësua me 9,270 vota. Madje, edhe figura të njohura si Rashit Qalaj, ish-drejtor i përgjithshëm i Policisë së Kosovës, dhe Driton Selmanaj, zëvendëskryeministër, morën respektivisht 9,160 dhe 8,818 vota.

• Abelard Tahiri (Shef i Grupit Parlamentar të PDK-së) – 9,341 vota
• Fadil Nura (Kryetar i Komunës së Skënderajt) – 9,270 vota
• Rashit Qalaj (Ish-drejtor i përgjithshëm i Policisë së Kosovës) – 9,160 vota
• Driton Selmanaj (Zëvendës kryeministër) – 8,818 vota
• Kujtim Gashi (Ish-ministër) – 8,654 vota
• Ekrem Hyseni (Deputet nga Podujeva) – 8,267 vota
• Besnik Tahiri (Shef i Grupit Parlamentar të AAK-së) – 7,816 vota
• Pal Lekaj (Ish-ministër) – 6,612 vota
• Ilir Ferati (Kryetar i Komunës së Istogut) – 5,924 vota

Këto shifra na tregojnë se numri 110 me 10,350 vota, është një “peshë e rëndë” në krahasim me emrat e tjerë të njohur. Madje, disa prej tyre, pavarësisht se mbajtën poste të rëndësishme publike, morën më pak se ai.

Kjo na shtyn të pyesim: Çfarë e bën këtë numër një figurë të qëndrueshme në politikë? A është thjesht numri 110, që tashmë është ngulitur në mendjen e votuesve? Apo ka diçka më shumë, një lidhje të veçantë me elektoratin, një besim të krijuar ndër vite?

Përgjigja nuk është e thjeshtë. Por, një gjë është e sigurt: në politikë, numrat nuk tregojnë gjithçka. Por, figura që mban këtë numër është e qëndrueshme.

Rezultatet e lartpërmendura e bëjnë të qartë se vota e qytetarëve nuk është më një pasojë e thjeshtë e pozitave institucionale. Figura të njohura politike, përfshirë ministra, kryetarë komunash dhe drejtues të grupeve parlamentare, morën më pak vota sesa 110-shi, i cili nuk ka mbajtur ndonjë post ekzekutiv por që ka fituar besimin e qytetarëve përmes punës dhe përfaqësimit të tij.

Por kush është numri 110?! Është pikërisht ai që “mbronë krahët dhe shpinën” e Lëvizjes VETËVENDOSJE!. Është Salih Zyba.