Zgjedhjet në Kosovë, ambasadori amerikan: E ardhmja e Kosovës është në duart e qytetarëve të saj

Ambasadori amerikan në Kosovë, Philip Kosnett, ka deklaruar se e ardhmja e Kosovës është në duart e qytetarëve të saj, në ditën kur Kosova po voton për zgjedhjet e parakohshme parlamentare.

Kosnett e bëri të ditur deklaratën e tij përmes llogarisë së tij në zyrtare në Twitter.

“Mos lejoni që bora ose sëmundja e COVID-19 t’ju ndalojnë të votoni”, potencoi ambasadori amerikan.

“Bëni zgjedhjet të lira, të drejta dhe të sigurta”, u shpreh ai mes tjerash, teksa bëri thirrje që të raportohen parregullsitë tek autoritetet kompetente.

Zgjedhjet po mbahen edhe mes pandemisë së coronavirusit që ka prekur më shumë se 64 mijë persona në vend, si dhe ka lënë të vdekur më shumë 1,500 prej tyre.

#Kosovo’s future is in the hands of its citizens. Don't let snow or COVID stop you from voting. Report irregularities & violations to the @Kosovo_Police, Prosecution, election authorities, or media. Make the election free, fair, and safe. #KosovoVotes2021 pic.twitter.com/3lxMnpddtF

— Ambassador Philip S. Kosnett (@USAmbKosovo) February 14, 2021