Votimi nga diaspora, Vjosa Osmani letër KQZ-së: Vota s’mund të kushtëzohet me një telefonatë

U.d presidentja e Kosovës, Vjosa Osmani i ka dërguar letër Komisionit Qendror të Zgjedhjeve, lidhur me procesin e votimit dhe verifikimit të aplikimeve për votim të mërgatës.

Osmani ka thënë se e drejta e votës është e garantuar me Kushtetutën e Kosovës dhe me të gjitha konventat ndërkombëtare për të drejtat e njeriut.

“E drejta e votës është e drejtë fundamentale, e garantuar me Kushtetutën tonë dhe me të gjitha konventat ndërkombëtare për të drejtat e njeriut.”

Cilin nga kryetarët e degëve të partive në Suharekë do ta votoni në zgjedhjet e 14 shkurtit?

Tutje, Osmani ka thënë se e drejta e votës nuk mund të kushtëzohet me një telefonat.

“Si e tillë, e drejta e votës është e drejtë e patjetërsueshme e cila nuk mund të kushtëzohet me një telefonatë. Ky vendim i KQZ-së, e specifikisht pika IV e tij, mund të krijojë rrethana me të cilat e drejta e votës shkelet në mënyrë flagrante” ka shkruar në facebook u.d së presindentës, Vjosa Osmani.

© SuharekaOnline. Të gjitha të drejtat janë të rezervuara.
RAPORTO