“S’ka stabilitet politik pa bërë Vetëvendosje koalicion me ndonjë parti”

Analisti politik, Lulzim Zeneli, duke u bazuar në sondazhin e fundit të përgatitur nga PIPOS, është shprehur se duket se subjektet politike kanë arritur mobilizim struktural.

“Do të jetë një garë shumë konkurruese. Pavarësisht të qëndrueshmërisë së numrave tek sondazhet, prapë do të ketë në fazën programore lëvizje”.

Zeneli në Rubikon ka thënë se për t’u krijuar stabilitet politik në vend, Lëvizja Vetëvendosje, që projektohet si fituese e zgjedhjeve duhet të gjejë një partner qeverisës.

“Nuk ka shans të krijohet stabilitet politik pa një koalicion Vetëvendosje-AAK apo me dikë tjetër”.

Lidhur me zgjedhjen e presidentit të ri ai ka theksuar se politika kosovare për 20 vjet ka dështuar që ta gjejë për këtë pozitë një figurë jashtë politikës.