Federata Sindikale e Shëndetësisë ka njoftuar se iu janë adresuar partive poltike si: Lëvizjës Vetëvendosje, Lidhjës Demokratike të Kosovës, Partisë Demokratike të Kosovës, Aleancës për Ardhmërinë e Kosovës dhe Nismës Socialdemokrate për disa kërkesa.

Njëra ndër kërkesat e personelit shëndetësor është rritja e buxhetit në shëndetësi.

Ndërsa edhe kanë pyetur se cili është plani i tyre për menaxhimin e pandemisë COVID-19.

Gjithashtu nga FSSH-ja tregojnë se do t’i përcjellin me vëmendje të gjitha premtimet e partive politike.

Komunikata e plotë:

Në vazhdën e komunikimit publik dhe të sinqertë të Federatës së Sindikatave të Shëndetësisë së Kosovës me opinionin e mbarë Kosovar, Ju njoftojmë se dje me datë 03.02.2021 ju kemi adresuar partive politike si në vijim:

Lëvizja Vetëvendosje- LVV,

Lidhja Demokratike e Kosovës -LDK,

Partia Demokratike e Kosovës- PDK,

Alenaca për Ardhmërinë e Kosovës -AAK dhe,

Nisma Socialdemokrate- NISMA

Këto janë kërkesat e punëtorëve shëndetësor për partit politike në kohë kur ata po e shpalosin programin e tyre:

1. Sa është e paraparë rritja e buxhetit në shëndetësi?
2. Si do të jetë plani juaj për menaxhimin e Pandemisë COVID-19?
3. Si do të përmirësohet mirëqenia e punëtorëve shëndetësor(pagat) forma dhe mënyra e saj?

Në fund Federata e Sindikatave të Shëndetësisë së Kosovës dhe anëtarësia e saj e gjërë me vëmendje do të përcjellin premtimet por njëkohësisht do të mbajnë në mend të gjitha ato të cilat nuk janë realizuar.