Partitë politike kanë kohë deri në ora 16:00 t’i dërgojnë listat e ndryshuara në KQZ

Kanë mbetur edhe pak kohë për partitë politike që t’i dërgojnë listat e ndryshuara në Komisionin Qendror të Zgjedhjeve (KQZ).

Zëdhënësi i KQZ-së, Valmir Elezi ka thënë se ky institucion ka njoftuar partitë politike se deri në ora 16:00 mund të njoftojnë KQZ-në për ri-renditjen e kandidatëve për deputetë.

“Ju njoftoj se mbledhja e Komisionit Qendror të Zgjedhjeve do të mbahet sot, e shtunë, me fillim në ora 17:00.

Në ndërkohë, KQZ, përmes ZRPPC-së, i ka njoftuar subjektet politike, që janë pjesë e Aktgjykimeve të Gjykatës Supreme dhe vendimeve të PZAP-it, se deri sot në orën 16:00 mund të njoftojnë KQZ-në lidhur me ri-renditjen e kandidatëve për deputetë”, ka thënë ai.