Limaj: NISMA shkon e vetme në zgjedhjet e 14 shkurtit

Sot ishte dita e fundit ku partitë politike kishin afat të bënin koalicion parazgjedhor, ishte përfolur për një koalicion të mundshëm në mes të Partisë Demokratike të Kosovës (PDK) dhe NISMA. por një gjë e tillë nuk ndodhi.

Kryetari i Nisma Socialdemokrate, Fatmir Limaj në emisionin Pressing në T7 ka thënë se kjo parti do të shkojë e vetme në zgjedhjet parlamentare të cilat do të mbahen më 14 shkurt.

“Nisma do të shkojë e vetme në zgjedhje të 14 shkurtit. Kemi bërë përgatitje sikur çdo parti”, tha ai.

Po ashtu Limaj ka treguar edhe pse nuk u arrit një koalicion me ndonjë parti tjetër.

“Ne para se me ardh ky afat kemi pasur bisedime të ndryshme dhe kemi shprehur dëshirën që aps zhvillimeve të fundit pas qershorit dhe zhvillimeve që po ndodhin. Si nismë kam shprehur gatishmërinë që forcat patriotike të vendit të ulemi dhe të bisedojmë. Ne emër të saj kemi bërë hapa në muaj e fundit për të arritur të tejkalojmë vetveten dhe gjërat që janë më të vogla. Ka pasur një interesim të vazhdueshëm dhe kërkesë të bashkëluftëtarve dhe invalidëve etj që të gjejmë rrugë të përbashkët dhe të ndërtojmë rrugë të përbashkët. Kjo nuk është bërë fatkeqësisht. Kam dëgjuar dëshirën e qindra njerëzve që kanë dëshiruar të shohin një fron të përbashkët mes PDK dhe Nismën. Kjo shancë u humb dhe nuk u konkretizua. Na vjen keq”, shtoi ai.