Kurti në Prizren: Sot një javë, të dalim në zgjedhje secili e secila, që fatin e Kosovës ta marrim në duart tona
Sot një javë të gjithë qytetarët me të drejtë vote do ta kenë mundësinë t’u drejtohen kutive të votimit, që të votojnë të përzgjedhurit e tyre. Tashmë ndodhemi në ditët e fushatës zgjedhore për zgjedhjet e parakohshme që do të mbahen më 14 shkurt. Në vazhdën e aktiviteteve në këtë fushatë 10-ditëshe, kandidati për kryeministër […]
Sot një javë të gjithë qytetarët me të drejtë vote do ta kenë mundësinë t’u drejtohen kutive të votimit, që të votojnë të përzgjedhurit e tyre.
Tashmë ndodhemi në ditët e fushatës zgjedhore për zgjedhjet e parakohshme që do të mbahen më 14 shkurt.
Në vazhdën e aktiviteteve në këtë fushatë 10-ditëshe, kandidati për kryeministër nga Lëvizja Vetëvendosje, Albin Kurti dhe kandidatja për presidente, Vjosa Osmani kanë vizituar qytetin e Prizrenit.
Kurti ka thënë se nga Prevalla, Mushnikovë e Lubizhdë, tutje në Zhur, Poslishtë, Terzimahallë, Islahanë dhe Bajram Curr – të gjithë ishin të mobilizuar.
Po ashtu Kurti ka thënë se në Prizren gjithmonë Lëvizja Vetëvendosje del e para, por ai ka shtuar se kësaj here nevojitet një fitore e madhe, me mbi 61 deputetë.
Andaj, kryetari i LVV-së njëherit edhe kandidat për kryeministër nga radhët e kësaj partie, Albin Kurti u ka bërë thirrje se sot një javë, të dalin në zgjedhje secili e secila, që fatin e Kosovës ta marrin në duart e tyre.