Osmani takon kryetarin e KQZ-së, diskutojnë për ruajtjen e shëndetit në zgjedhje lokale
Presidentja e Republikës së Kosovës, Vjosa Osmani ka pritur sot në takim kryetarin e Komisionit Qendror të Zgjedhjeve, Kreshnik Radoniqi. Në takim u diskutua për situatën me pandeminë dhe ndikimin e saj në procesin zgjedhor. Kryetari i KQZ-së, Radoniqi e njoftoi Presidenten Osmani për përgatitjet, të cilat i ka bërë KQZ për organizimin e zgjedhjeve lokale. Presidentja Osmani […]
Presidentja e Republikës së Kosovës, Vjosa Osmani ka pritur sot në takim kryetarin e Komisionit Qendror të Zgjedhjeve, Kreshnik Radoniqi. Në takim u diskutua për situatën me pandeminë dhe ndikimin e saj në procesin zgjedhor.
Kryetari i KQZ-së, Radoniqi e njoftoi Presidenten Osmani për përgatitjet, të cilat i ka bërë KQZ për organizimin e zgjedhjeve lokale.
Presidentja Osmani ka potencuar rëndësinë e sigurimit dhe ruajtjes së integritetit të procesit zgjedhor, lehtësimit të pjesëmarrjes sa më të madhe të qytetarëve në ditën e zgjedhjeve, por mbi të gjitha rëndësinë e ruajtjes së shëndetit të qytetarëve.
Ndërkaq kryetari Radoniqi tha se do të angazhohen maksimalisht për mbarëvajtjen e procesit zgjedhor përbrenda kompetencave të KQZ-së.