AAK propozon që zgjedhjet lokale të mbahen me fushatë të shkurtuar, nga 30 në 5 ditë

Kryesia e Aleancës për Ardhmërinë e Kosovës (AAK) është takuar sot për të diskutuar për zgjedhjet lokale të 17 tetorit.

Në këtë takim AAK-ja ka rikonfirmuar qëndrimin për shkurtimin e fushatës zgjedhore nga 30 në 5 ditë.

Përmes një komunikate për media, AAK ka deklaruar se nuk duhet të rrezikohen legjitimiteti i institutcioneve dhe demokracia.

“Aleanca është dakorduar që zgjedhjet lokale të mbahen me fushatë të shkurtuar, nga 30 në 5 ditë, me paraqitje publike të kufizuara sipas masave të cilat përcaktohen nga ekspertët shëndetësorë”, thuhet në komunikatë.

Komunikata e plotë:

TË RESPEKTOHET JETA NJERËZORE, TË RUHET DEMOKRACIA

Kryesia e AAK-së është takuar sot për të diskutuar për zgjedhjet lokale të 17 tetorit.

Fryma e fitores së AAK-së, reflektohet nga puna e palodhshme në secilën komunë të vendit.

Aleanca është dakorduar që zgjedhjet lokale të mbahen me fushatë të shkurtuar, nga 30 në 5 ditë, me paraqitje publike të kufizuara sipas masave të cilat përcaktohen nga ekspertët shëndetësorë.

Në respekt të plotë të jetës njerëzore, Aleanca konsideron se legjitimiteti i institucioneve dhe demokracia nuk duhet të rrezikohen.

Ndryshe, gjatë ditës së sotme krerët e partive politike do të takohen me Presideten e Kosovës, Vjosa Osmani, për të diskutuar për rekomandimin e Institutit Kombëtar të Shëndetësisë Publike të Kosovës (IKSHPK) për shtyrje të procesit zgjedhor.