Zyrtare: Ballkani transferon sulmuesin Valentin Serebe nga CFR Cluj
Klubi futbollistik Ballkani ka zyrtarizuar transferimin e sulmuesit 22-vjeçar Valentin Serebe nga skuadra rumune CFR Cluj, duke shtuar një përforcim të rëndësishëm në repartin ofensiv për edicionin e ri.
Serebe, i cili vjen nga Bregu i Fildishtë, ka nënshkruar kontratë trevjeçare me klubin nga Suhareka dhe pritet të jetë një nga armët kryesore të skuadrës në garën për titullin e Superligës së Kosovës, si dhe në sfidat kualifikuese në arenën evropiane.
Ky transferim vjen si pjesë e strategjisë së Ballkanit për të konsoliduar sukseset e viteve të fundit dhe për të ngritur më tej nivelin e skuadrës, si në garat vendore ashtu edhe ndërkombëtare.
Klubi nga Suhareka i ka uruar mirëseardhje sulmuesit të ri, duke shprehur bindjen se ai do të sjellë cilësi dhe ndikim të menjëhershëm në repartin ofensiv të ekipit.
