Munishi: Sfida Prishtina-Ballkani kishte tempo të Ligës së Evropës
Trajneri i Ballkanit, Ismet Munishi, thotë se tempoja e ndeshjes Prishtina-Ballkani ishte e njëjtë me ndeshje të Ligës së Evropës. Ai tha në “Dueli Sportiv” fjalë shumë pozitive edhe për trajnerin e Prishtinës, Armend Dallku. “Dallku është një ndër trajnerët e vetëm që iu është kundërpërgjigjur në mënyrë fantastike lëvizjeve të mia. Ai do të […]
Trajneri i Ballkanit, Ismet Munishi, thotë se tempoja e ndeshjes Prishtina-Ballkani ishte e njëjtë me ndeshje të Ligës së Evropës.
Ai tha në “Dueli Sportiv” fjalë shumë pozitive edhe për trajnerin e Prishtinës, Armend Dallku.
“Dallku është një ndër trajnerët e vetëm që iu është kundërpërgjigjur në mënyrë fantastike lëvizjeve të mia. Ai do të bëhet një trajner shumë i mirë”, deklaroi Munishi.
“Në ndeshje ka pasur shumë kualitet, shumë shpejtësi. Takimi kishte vlera të jashtëzakonshme. Ishte një tempo e ndeshjeve të Ligës së Evropës”.
“Nuk ishte një ndeshje aq e dobët sic po e paraqesin kolegët këtu”, u shpreh Munishi.
Munishi dhe ndihmës-trajneri i Prishtinës, Debatik Curri, janë përfshirë në një debat interesant.
Curri tha se gjyqtarët e dëmtuan Prishtinën, ndërsa Munishi u shpreh se Ballkani ishte më i mirë se vendësit
Duke folur për rastin e golit të anuluar të Otto John, Curri ia kërkoi Munishit një koment.
“Do të ishte mirë edhe ti ta komentoje këtë rast. Jepe mendimin tënd. Sa i përket presionit, ne e dimë se çfarë bën Ismeti në ndeshjet e tij, çfarë presioni iu bën gjyqtarëve. Për këtë arsye dy herë jam zgjuar nga bankina”, deklaroi Curri.
“Unë rastin nuk e kam parë sepse kam qenë në bankinë. Edhe nëse ka qenë pozitë jashtë loje, shyqyr Zotit që një herë na ndihmuan gjyqtarët”, theksoi Munishi.
Curri e akuzoi se gjyqtarët e ndihmuan edhe ndaj Dukagjinit:
“Jo, jo, edhe ndaj Dukagjinit të kanë ndihmuar”.
“Cilit Dukagjin, aty ku keni dërguar premi?”, ia kthei Munishi, që u pasua nga pohimi i Currit: “Po, qaty”.
Munishi tha tutje se “e mund Prishtinën kur do”.
“Ne e mundim Prishtinën kur duam. Erdhëm për barazim, e morëm. Nuk ka kuptim t’i mundim para 8000 tifozëve”, tha Munishi.
“Jemi mësuar me këto deklarata tua që s’kanë të bëjnë fare me futbollin”, ia ktheu ndihmësi i Dallkut.
Palët vazhduan edhe me disa replika, që u ndërprenë më pas nga analiza e Arsim Plepollit.