FC Ballkani ndahet nga trajneri Pollozhani
Një lajm i papritur vjen nga kampioni i Kosovës, FC Ballkani. Pas një sërë rezultatesh negative, trajneri Artim Pollozhani ka vendosur të japë dorëheqje nga pozita e tij.
Lajmi është bërë publik nga vetë klubi përmes kanaleve zyrtare, ku shkruhet se rezultatet e fundit nuk përkojnë me ambicjet e klubit dhe se Pollozhani, në një lëvizje që tregon përgjegjësi, ka vendosur të marrë këtë vendim.
“Meqenëse rezultatet e fundit nuk përkojnë aspak me objektivat e klubit, Artim Pollozhani ka dhënë dorëheqje nga pozita e trajnerit, menjëherë pas humbjes së sotme,” thuhet në njoftimin e klubit.
FC Ballkani i ka uruar Pollozhanit suksese në karrierën e tij të mëtejshme dhe ka njoftuar se do të prezantojë shumë shpejt trajnerin e ri që do të udhëheqë ekipin në sfidat e ardhshme.
