Baruti i Kosovës, Arbenit Beqiraj, në stërvitje me legjendën e motokrosit gjerman!
Kampioni i trefishtë i Kosovës në motokros, Arbenit Beqiraj, i njohur ndryshe si “Baruti”, po shkruan një kapitull të ri në karrierën e tij. Aktualisht ai ndodhet në Gjermani, ku po stërvitet me klubin prestigjioz Morlinghaus Racing në qytetin Liepsing.
Një nga pikat më interesante të këtij stërvitjeje është bashkëpunimi i “Barutit” me një nga garuesit më të mirë të 40-tave në botë, Wanja Morli. Ky bashkëpunim premton të jetë një përvojë e pasur për kampionin kosovar, i cili do të ketë mundësi të mësojë nga një profesionist me përvojë të gjatë në këtë sport.
“Jam shumë i entuziazmuar për këtë mundësi,” tha Beqiraj. “Wanja është një legjendë në botën e motokrosit dhe të mësoj prej tij është një nder i madh. Kjo stërvitje më ndihmon të përmirësoj teknikat e mia dhe të përgatites për sfidat e ardhshme.”
Stërvitjet e Beqirajt në Gjermani janë pjesë e një programi të përgatitjes më të gjërë që ka për qëllim ta ngrejë atë në një nivel më të lartë të garimit ndërkombëtar.
Kjo stërvitje intensive me një nga emrat më të mëdhenj të motokrosit gjerman tregon ambicien e lartë të Beqirajt për të fituar sukses në skenën ndërkombëtare. Duke mësuar nga një legjendë si Morli, “Baruti” po vendos themelet për të arritur qëllimet e tij.
Ky bashkëpunim mund të hapë dyer të reja për kampionin kosovar, duke i mundësuar atij të marrë pjesë në garat më të rëndësishme të motokrosit në botë.
Lajmi për stërvitjen e Beqirajt në Gjermani është pritur me entuziazëm në Kosovë. Fansat e motokrosit shqiptar janë krenare me sukseset e “Barutit” dhe besojnë se ai do të vazhdojë të bëjë Kosovën krenare.
