WhatsApp vjen me tre ndryshime të reja
Kështu ka bërë të ditur blogu zyrtar i WhatsApp dhe ueb-sajti i brendshëm WABetaInfo. Shënimi zanor Prej të gjitha këtyre veçorive, ndryshimi thuajse më i dukshëm është ai ku do t’i lejojë përdoruesit të shtojnë mesazh zanor si një përditësim të statusit të tyre. Derisa të aktivizohet ky ndryshim, përdoruesit e kësaj platforme do të […]
Kështu ka bërë të ditur blogu zyrtar i WhatsApp dhe ueb-sajti i brendshëm WABetaInfo.
Shënimi zanor
Prej të gjitha këtyre veçorive, ndryshimi thuajse më i dukshëm është ai ku do t’i lejojë përdoruesit të shtojnë mesazh zanor si një përditësim të statusit të tyre.
Derisa të aktivizohet ky ndryshim, përdoruesit e kësaj platforme do të mund të shohin një buton të regjistrimit të zërit në afërsi të butonave për tkest dhe fotografi që gjenden tek sektori i statusit, kështu duke klikuar butonin në fjalë përdorueist mund të regjistrojnë një mesazh audio që ta përdorin atë si status të tyre.
Ndërkaq, bëhet e ditur se shënimi zanor mund të shpërndahet vetëm me personat që ju i zgjidhni tek cilësimet e privatësisë të statusit.
Mbështetja në telefona të ndryshëm
Kjo platformë e mesazheve dhe asaj me zë është duke punuar edhe në shtimin e mbështetjes për sinkronizimin e bisedave në disa telefona të mençur.
Pra, “Modaliteti shoqërues” do t’u mundësojë përdoruesve të WhatsApp-it që të lidhin edhe një telefon të dytë në llogarinë e tyre, raporton WABetaInfo.
Nga grupi kanë bërë të ditur se modaliteti shoqërues do t’u lejojë përdoruesve që t’i lidhin telefonin e dytë në llogarinë e tyre në WhatsApp pa u kërkuar atyre që të kenë lidhje aktive me internet me pajisjen kryesore në mënyrë që të dërgojnë mesazhe.
Reagimet me “emoji”
Pronari i Meta-s, Mark Zuckerberg ka konfirmuar se Meta po shqyrton gjithashtu mundësinë e përdorimit të cilit do “emoji” për reaguar ndaj një mesazhi në platformën WhatsApp.
Ne po nxjerrim mundësinë për të përdorur çdo emoji si reagim në WhatsApp. Disa nga të preferuarat e mia:
Po ashtu, përdoruesit e kësaj platforme mund të reagonin ndaj një mesazhi me vetëm një nga pesë “emojit”, kjo pa pasur nevojë që të dërgojnë mesazh ndaras.
Prandaj, me përditësimin e ri të WhatsApp-it do të përfshijë të gjithë “emojit” e saj në reagimet ndaj mesazheve.