SHBA me padi historike kundër Apple – monopolizoi tregun e telefonave të mençur
Shtetet e Bashkuara kanë ngritur një padi historike kundër Apple, e cila akuzon gjigantin e teknologjisë për monopolizimin e tregut të smartfonëve dhe shtypjen e konkurrencës.
Foto: Ilustrim
Në padi, departamenti i drejtësisë pretendon se kompania përdori kontrollin e saj të iPhone për të kufizuar ilegalisht konkurrentët dhe opsionet e konsumatorëve.
Apple kontrollon rreptësisht se si kompanitë teknologjike të palëve të treta mund të ndërveprojnë me produktet dhe shërbimet e Apple, raporton bbc.
Pasi u përball me akuza të ngjashme në Evropë dhe pjesë të tjera të botës, tani është radha është rë përballet me akuzat për monopol në vend.
Në mars, Apple u detyrua nga Bashkimi Evropian të ndryshonte disa nga rregullat e saj. Kjo përfshin lejimin e përdoruesve të shkarkojnë aplikacione nga dyqanet e jashtme të aplikacioneve.
Apple ishte “thirrur” në një raport të Shtëpisë së Bardhë të vitit 2020 që zbuloi se prodhuesi i iPhone, së bashku me Meta, Google dhe Amazon, kishin “pushtetin monopol”.
Pritet që këto veprime ligjore kundër Apple mund të ndikojnë në çmimin e aksioneve të kompanisë dhe vlera aktuale e kompanisë vlerësohet në pak më pak se tre trilion dollarë.
