Çfarë është funksionaliteti i ri IP Protection i Chrome dhe si funksionon?

20.11.2023 Teknologji

Ndërsa adresat IP nuk janë informacion ekstremisht i ndjeshëm, ato ende mund të përdoren për qëllime të këqija. Vendndodhja e një përdoruesit mund të përcaktohet përmes adresës IP dhe aktiviteti i tyre online mund të gjumohet.

Aktualisht shumë prej nesh përdorin një VPN për të fshehur adresën tonë IP nga ISP-ja, autoritetet shtetërore apo aktorë keqdashës. Kjo sepse disa shfletues, përfshirë Chrome, nuk ofrojnë një maskim të adresës IP.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Funksionaliteti IP Protection i Chrome adreson këto shqetësime sigurie duke fshehur në mënyrë automatike adresën e përdoruesit. Ndërsa adresat IP janë jetike për të mbajtur internetin në funksion, fshehja e tyre nuk ka asnjë impakt në operimin e tij. Duke dërguar trafikun online përmes Proxy, IP Protection bën që mund që adresa IP të fshihet përballë disa domaineve të caktuara në ueb.

Rreziku i Chrome IP Protection

Mund të duket ironike, por Chrome IP Protection ka disa rreziqe sigurie. Chrome në të vërtetë përpiqet të mbrojë përdoruesit duke maskuar adresën e tyre IP, por disa spekulojnë se qëllimi kryesor i këtij funksionaliteti është i lig.

Një përdorues në rrjetin social X thotë se funksionaliteti i ri i Chrome ka për qëllim të centralizojë trafikun e uebit në një vend qendror. Kjo e bën më të lehtë për gjurmimin e përdoruesit nga Google, një teori e cila nuk është konfirmuar zyrtarisht.

Google ka pranuar rreziqet potenciale që IP Protection ka. Për shembull funksionaliteti e bën më të vështirë të parandalohen sulmet DDoS duke përdorur IP Protection. Duke qenë se sulme DDoS kërkojnë një përmbytje trafiku nga botnetë, një trafik i tillë mund të mos zbulohet nëse dërgohet përmes një Proxy.

Nga ana tjetër trafiku i paligjshëm si klikime mashtruese apo aksidentale ose crawler-at mund të jenë më të vështirë për tu identifikuar.

Në këto momente që shkruajmë Chrome IP Protection është në testim ndërsa vetëm adresa IP në SHBA mund të bëhen pjesë e kësaj faze të parë.

#Google

Fabrika e Mobileve "TE NASERI"

Mobilo shtëpinë deri në 10,000 € me mundësi pagese deri në 36 muaj.

Gjykata e Kalifornisë konfirmon padinë ndaj Google për diskriminim të Gjuhës Shqipe, gjiganti teknologjik kërkon shtyrjen e afatit deri më 18 dhjetor

Gjykata e Lartë e Kalifornisë ka konfirmuar padinë ndaj Google për diskriminim të Gjuhës Shqipe.

Kështu është bërë e ditur në një njoftim për media nga Neshad Asllani dhe Haki Derivishi të cilët kanë qenë edhe iniciuesit e kësaj padie.

Pse të shkojmë tek mjeku kur ndihemi mirë?!

“Pas konfirmimit të padisë ndaj gjigantit teknologjik Google në Gjykatën e Lartë të Kalifornisë për diskriminim të gjuhës shqipe, Dr. Neshad Asllani dhe Haki Dervishi kanë pranuar kërkesën zyrtare nga Google LLC për të dhënë pëlqimin për shtyrjen edhe për 15 ditë, të afatit të caktuar nga gjykata e lartë në Kaliforni. Në arsyetim ceket se, Google i nevojitet më shumë kohë për t’u përgatitur dhe për të ofruar përgjigje në padinë për diskriminim të Gjuhës Shqipe”, thuhet në njoftim.

Tutje në njoftim ësht bërë e ditur se me sugjerim të avokatëve dhe këshilltarëve në SHBA, Asllani dhe Dervishi kanë aprovuar kërkesën e bërë nga Google dhe janë pajtuar për shtyrjen e afatit deri më 18 dhjetor 2023.

“Sipas avokatëve, kërkesa nga Google dhe dakordimi për shtyrjen e afatit përafron edhe më shumë palët dhe krijon mundësi për dakordim final për këtë çështje të rëndësishme për të dy palët. Kjo marrëveshje e nënshkruar nga paditësit dhe i pandehuri Google për shtyrjen e afatit deri më 18 Dhjetor 2023, është dërguar në Gjykatën e Lartë të Kalifornisë”, thuhet në njoftim.

Kujtojmë se padia është ngritur sepse diskriminimi i vazhdueshëm i gjuhës shqipe nga Google ka bërë që folësit e gjuhës shqipe të diskriminohen nga pjesa tjetër e Evropës dhe botës në zhvillimin e biznesit, në marketing dhe gazetari, pasi janë të përjashtuar nga platformat Google Ads, Google Adsense dhe Google Admob.

Për padinë e bërë ndaj Google për diskriminim të gjuhës shqipe janë informuar edhe Ambasada e Republikës së Shqipërisë dhe ajo e Republikës së Kosovës në SHBA.

“Investimi dhe kontributi i jashtëzakonshëm i Dr. Asllanit dhe Dervishit do të krijojë mundësi dhe përfitime marramendëse financiare për portalet, kanalet televizive, gazetarët, blogerët, këngëtarët, agjensionet e marketingut dhe institucionet e tjera. Do të shtohen edhe të hyrat për të gjitha kompanitë të cilat do të reklamojnë në Google shërbimet dhe produktet e tyre. Këto do të ndikojnë në shtimin e punësimit, investimeve të huaja, dhe të hyrave nga taksat në fitim dhe qarkullim të mundësuar nga Google”, thuhet në njoftim.

Bisedime shtesë të Asllanit dhe Dervishit me avokatët dhe zyrtarët e Google do të zhvillohen gjatë muajit Dhjetor, 2023.

“Komunikimi është tejet miqësor, pritjet për zgjedhje të pranueshme për të dy palët janë reale. Në këtë moment tejet të rëndësishëm të integrimit dhe mbështetjes së gjuhës shqipe nga Google, janë të mirëseardhur të gjithë ata që dëshirojnë të bëhen pjesë e ekipit për të kontribuar për këtë çështje me rëndësi ekonomike, financiare dhe kombëtare”, thuhet në njoftim.

A e dini se çfarë do të thotë simboli i drynit në “Google Chrome”?

Shumë prej nesh e shohin thuajse çdo ditë ikonën e drynit në “Google Chrome”, megjithatë rezulton se shumë as ia kanë idenë se çfarë tregon ajo. Ekspertët thonë se injoranca në këtë drejtim mund të na vërë në rrezik.

Universiteti Metropolitan i Cardiff-it ka kryer një studim dhe rezultatet e tij kanë treguar, se ndërsa 63 për qind e njerëzve mendojnë se e dinë se çfarë do të thotë kjo ikonë, vetëm 7 për qind kanë të drejtë.

Pse të shkojmë tek mjeku kur ndihemi mirë?!

Ndryshe nga sa mendon shumica, ky simbol nuk tregon nëse “siti” është i sigurt apo jo. Simboli i drynit, sipas ekspertëve, tregon në të vërtetë nëse të dhënat e dërguara nga kompjuteri juaj janë të koduara. Fiona Carroll, e cila ishte personi që luajti rolin kryesor në këtë studim, anketoi mbi 500 persona të moshës 18 deri në 86 vjeç, të cilët i pyeti se çfarë do të thotë ‘ikona e drynit’ në Google Chrome, raporton A2.

Një përqindje shumë e vogël e personave të anketuar dha përgjigjen e saktë, duke thënë se të dhënat që dërgoheshin nga serveri i uebit në kompjuter janë të koduara me një sistem të quajtur HTTPS. Kjo do të thotë se të dhënat nuk mund të aksesohen nga palë të treta, por vetë faqja mund të jetë e pasigurt për këtë.

Google do të fillojë fshirjen masive të llogarive të papërdorura Gmail javën e ardhshme

Deri në 2019-ën Google kishte 1.5 miliardë përdorues aktivë në mbarë botën dhe është një prej shërbimeve më popullore të e-mail-it.

Google do të fillojë të fshijë llogaritë jo-aktive Photos dhe Gmail javën e ardhshme më 11 Dhjetor.

Fjala e fundit e teknologjisë zbarkon në Fabrikën e Mobileve “TE NASERI”

Është një lëvizje e planifikuar që kompania e njoftoi në muajin Maj duke shpjeguar se llogaritë të cilat nuk janë përdorur në dy vitet e fundit do të fshihen.

Së bashku me to do të fshihen edhe të gjitha përmbajtjet e lidhura me atë llogari që gjenden në aplikacionet Drive, Google Photos dhe Docs.

Zëvendës presidenti i menaxhimit të produktit të Google, Ruth Kricheli, shpjegoi se mbyllja e tyre është një masë sigurie e nevojshme.

“Nëse një llogari nuk është përdorur për disa vite me radhë, gjasat që të kompromentohet janë të larta. Kjo sepse llogaritë e pa përdorur zakonisht kanë fjalëkalime të vjetra dhe të ripërdorura që mund të jenë kompromentuar, ose nuk përdorin fare verifikim me dy faktorë.

Ai tha se në bazë të përllogaritjeve të Google, llogaritë e braktisura kanë 10 herë më shumë gjasa që të mos kenë verifikim me dy faktorë krahasuar me llogaritë aktive.

Deri në 2019-ën Google kishte 1.5 miliardë përdorues aktivë në mbarë botën dhe është një prej shërbimeve më popullore të e-mail-it.

Për shkak të popullaritetit dhe lehtësisë të regjistrimit të një llogarie të re, mashtrues kanë shënjestruar vazhdimisht Gmail-in.

Çfarë është funksionaliteti i ri IP Protection i Chrome dhe si funksionon?

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Gjykata e Kalifornisë konfirmon padinë ndaj Google për diskriminim të Gjuhës Shqipe, gjiganti teknologjik kërkon shtyrjen e afatit deri më 18 dhjetor

Pse të shkojmë tek mjeku kur ndihemi mirë?!

A e dini se çfarë do të thotë simboli i drynit në “Google Chrome”?

Pse të shkojmë tek mjeku kur ndihemi mirë?!

Google do të fillojë fshirjen masive të llogarive të papërdorura Gmail javën e ardhshme

Fjala e fundit e teknologjisë zbarkon në Fabrikën e Mobileve “TE NASERI”

Suharekë, rruga e lagjes “Fan Noli” vërshohet nga mbeturinat, ankohen qytetarët

[FOTO] Vetura përplaset me ujkun në autostradën Prizren-Suharekë

Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë

Ganimete Hoxha nga fshati Budakovë ka nevojë për ndihmën tuaj

Suharekë, zjarrfikësit vazhdojnë të përballen me zjarre malore

Ambient i pastër, “betonizohet” rruga në Zonën Industriale

Zjarr mbi fshatin Sallagrazhdë

Kapen me marihuanë, arrestohen 4 të rinj në Suharekë

Aksident në autostradë në drejtimin Suharekë-Prizren, raportohet për të lënduar

Aksident në autostradë në drejtimin Suharekë-Prizren, një person i lënduar rëndë