Zjarret shkaktojnë dëme të konsiderueshme edhe në Gjinoc të Suharekës

Tash e sa ditë, Komuna e Suharekës është përfshirë nga zjarri.

Por, gjatë ditës së sotme zjarri ka kapluar fshatin Gjinoc të Komunës së Suharekës.

Si pasojë e zjarrit të madh, edhe një shtëpi është kapluar nga flakët, por fatmirësisht intervenimi i shpejtë ka bërë që të shuhet zjarri.

Në vendngjarje kanë dalur Policia e Kosovës, zjarrfikësit si dhe banorët e fshatit.

Si në fshatrat e tjera edhe në këtë fshat zjarret kanë shkaktuar dëme të konsiderueshme.