Zgjedhjet Lokale 2025: Qytetarët e Suharekës do të votojnë në 35 qendra votimi

Sipas vendimit të KQZ-së, në të gjithë territorin e Kosovës janë caktuar 945 Qendra të Votimit, nga të cilat 907 do të përdoren për votimin e rregullt, ndërsa 38 të tjera (nga një për çdo komunë) janë caktuar për votimin me kusht.

Qendrat e Votimit në Suharekë

Komuna e Suharekës për zgjedhjet e 12 tetorit 2025 do të ketë 35 Qendra të Votimit, prej të cilave:

• 1 Qendër për votim me kusht
• 34 Qendra për votim të rregullt,

Në qytet janë të vendosura 3 Qendra të Votimit për votim të rregullt:

1. SH.M.L. “Skënder Luarasi”, Rr. Skënderbeu
2. SH.F.M.U. “7 Marsi”, Rr. Brigada 123
3. SH.F.M.U. “Shkëndija”, Rr. Xhavit Sylaj

Ndërsa Qendra për Votim me Kusht është e vendosur në SH.F.M.U. “Destan Bajraktari”, Rr. Avdyl Kuçi.

KQZ ka vënë në dispozicion një platformë online, ku çdo qytetar me të drejtë vote mund të kontrollojë Qendrën e tij/saj të votimit në këtë adresë: https://qv.kqz-ks.org.

Për ata që duan të ndryshojnë Qendrën e Votimit, kjo mundësi është e hapur deri më 29 gusht 2025, për të caktuar një lokacion sa më afër vendbanimit të tyre aktual.

Institucionet zgjedhore dhe autoritetet lokale kanë filluar përgatitjet logjistike për mbarëvajtjen e procesit. Ndërkohë, qytetarët e Suharekës inkurajohen që të kontrollojnë të dhënat e tyre zgjedhore dhe të marrin pjesë në votim, duke kontribuar në përzgjedhjen e udhëheqësve të tyre lokalë për katër vitet e ardhshme.